Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Musa mamagatang kousinan RM10 riong mantad porinta longkod

Ranau-earthquake-If-Najib-truly-loves-Sabah-785x442

SANDAKAN: Boyoon Montiri Sabah Datuk Seri Musa Aman mamagatang toluod RM10 riong mantad Koporintaan Longkod montok Taman-taman Sabah do monginsonong komudahan wayaan mindakod Nulu Nabalu i naraag sasabap noguyu tana dit kotimpuunon tulan diti.

Ka disio, porinta pogun om Taman-Taman Sabah mongunsikou kumaa di Luguan Montiri Datuk Seri Najib Tun Razak ih minonopot batos monguhup sumusuhut noguyu tana id Ranau.

“Batos manahak toluod RM10 riong pinoumum disio soira minongoi tombului id Ranau di tadau ko-9 tulan Koonom kalapas naantakan gogor tana ih minoporundun 18 tulun om minogowit karaagan harata lolobi komudahan mindakod Nuluhon Nabalu.

“Miampai sakadai diti, kaanu papasanang pingisaman Taman-Taman Sabah do momonsoi kawagu ralan om komudahan tumakad Nuluhon Nabalu,” ka disio.

Minoboros isido miagal dilo kumaa maganu habar kalapas minapatahak toluod Ramadan kumaa mogigion kampung Padas do hiti di konihab.

Minapatahak isido toluod Pusat Zakat Sabah om UMNO Bohogian Libaran kumaa 1,660 tulun mamaramit mantad kinoyonon Parlimen Libaran id Dewan Rancangan Luboh om Masjid Padas, Batu 12 do hiti.

Alansan nogi ih musa karaja monginsonng kinaraagan gogor tana id Ranau ontok tadau ko-5 tulan Koonom dilo koindalan do ososonong om papaanu oukaban kawagu ababayan mindakod nulunon Nabalu. – BERNAMA

Komen


Berita Berkaitan