Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mungui notutudan id Tawau pinosorou momonsoi walai tumanud piawaian MPT

TAWFIQ
TAWAU: Mungui notutudan id Tanah Merah Batu 2 Jalan Apas om Blok 10 Kampung Titingan Darat, do hiti pinosorou mooi tumanud piawaian di pinatatap do Kounsil Kakadaian Tawau (MPT) sokiro momonsoi kawagu walai diolo.

Puru Walai Koundangan Pogun (ADUN) Apas Datuk Tawfiq Abu Bakar Titingan minoboros do iyolo mositi tumanud piawaian MPT kosuang agansi suai montok mogintong kopio ahal koumoligan di lobi ajamin suai ko mangantob ohulit kawagu kaantakan kinotutudan.

Ka disio, mogigion di hiti oporlu nogi maganu pogintangan mantad kinaantakan kinotutudan id koduo-duo kinoyonon dilo ih minonguuh soginumu 183 walai om minogowit lobi 1,000 tulun natagakan tiyonon.

“Mungui notutudan di momonsoi kawagu walai mositi tumanud piawaian MPT id ahal koumoligan,” ka disio soira minanahak boboroson id panahakan sakadai kumaa mungui dilo do hiti di baino.

Tawfiq ih ponogi Montiri Komulakan om Sipoot minopolombus kounsikahan kumaa puru di minanahak sakadai montok papagaan tingorit do mungui dilo.

Daamot dilo Porosidin MPT Alijus Sipil minokianu kumaa toinsanan mungui di nakaampai do amu momonsoi walai om puru disio momolohou toinsanan sanganu tana do mogiboboros karait ahal dilo.

“MPT papatatap do ukuran walai di mangan wonsoio. Poingkuro po, iyolo ih manu do momonsoi walai sondiri amu posuangon id ngaran mokianu walai transit ih wonsoion id tana porinta montok tiyonon diolo,” ka disio. – SayangSabah

Komen


Berita Berkaitan