Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Muhot o mogigion laang do JKR minonimban kinoyonon ponginsanangan talun alun

TENOM – Lobi 3,000 mogigion mantad limo kampung id Ulu Tomani minokianu kumaa porinta do potilombus projik monginsonong talun alun soninaru 24 kilometer mantad Kampung Kaang kumaa id Kuala Tomani, hiti.
Ponorikohon Komiti Koumoligan om Kotundaan Kampung (JKKK) Kampung Alutok, Marusin Paliton, minoboros do talun alun di apatut do insanangan nopo nga id Kampung Ulu Tomani, Kaang, Melutut, Ahisal om Alutok.
Ka disio, mogigion kampung amu osontob ginawo sabap Koupisan Karaja Tagayo (JKR) minonimban do atag mantad karaja monginsonong do talun alun dilo ih pogulu diti mantad Ulu Tomani kumaa id Kampung Kaang, pogulu sinimbanan gisom noh id Skim Kuala Tomani.
“Mogguhot o tulun kampung nokuro tu pinoundaliu o karaja dilo sabap atag kopogulu diti nopo nga mantad Ulu Tomani kumaa id Kaang. Kopio nopo nga laid-laid noh mogigion kampung magandad do asalasai kobolihangkangan talun-alun id kinoyonon dilo om mada do ahal diti silihon papasala porinta,” ka disio, hiti di kawawagu.
Ka di Marusin, mogigion kampung magandad 10 noh toun mantad baino do momurimon koinsonongon talun alun id kinoyonon diolo miagal id kinoyonon do suai id Sabah. – Dii Kalawon Sawing / SayangSabah

Komen


Berita Berkaitan