Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

MSS Bohogian Kotonobon bontugan poimpuli ababayan mamana

11:01pm 28/02/2016 Maryann 1 views Abal Kinoyonon,Berita Pilihan,Kinoyonon,Kota Kinabalu,Sipoot

MSS
KOTA KINABALU: Kounsil Sipot Sikul (MSS) Bohogian Kotonobon insan poh kawagu nosiliu bontugan miampai nokopuhu soginumu 320 mato id suang Pialaan Mamanah MSS Sabah 2016 ih nakapamau mantad 23 tulan Koduo gisom ko-27 tulan Koduo diti.

MSS Bohogian Kotonobon nakaanu minogowit muli 15 pingat amas, apat pingat pirok om duo pingat gansa id pialaan dilo ih pinaharo id Padang Sasar Mamanah, Kompleks Sipoot Likas, do hiti di konihab.

Ttukad koduo naanu do MSS bohogian Ponongsokid miampai nokopuhu soginumu 194 mato om tinanud do MSS Bohogian Sandakan, miampai pinuhu 186 mato.

MSS Bohogian Kotonobon nga nakaanu nogi tukad koiso poimpuli Pialaan Gimnastik Artistik om Skuash MSS Sabah 2016 miampai minomuhu soginumu 215 mato ih nakapanau mantad ko-17 tulan Koduo gisom ko-19 tulan Koduo nakatalib.

Pialaan dilo kituduan manahak kosiwaatan kumaa toinsanan atlet poimpuli pogun diti montok tumanud do ababayan ngawi sipoot kopisudong miampai konsep ‘Sipoot Montok Toinsanan om Sipoot Montok Kalantaian”.

Pialaan miagal dilo nosiliu impohon do momili tongo atlit ih pikikiro mongobi pogun Sabah id Pialaan Sipoot Nayatan Kabansaan. – Dii Elezebeth Esther/ SayangSabah

Apa Komen dan Pendapat Anda

Artikel Berkaitan