Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

MPWS minomonsoi blog

hanaa-wong3KOTA KINABALU- Komiti Koonduan om Media, Kounsil Ponasihat Koonduan Sabah (MPWS) minopoimbulai blog MPWS montok poposuang habar-habar kawawagu om ahal karait koonduan id pogun diti.

Ponorikohon dau Hanaa Wong Abdullah minoboros do, mantad 25 toun noturidong o MPWS, toun baino, kumoinsan nogi nokoimbulai blog toi ko portal berita www.mpwsonline.com montok poposuang nunu nopo habar id suang Boros Melayu, Bahasa Inggeris om posuangon nogi habar id boros Cina om Kadazandusun.

Ka disio, ilo nopo nga sombohogian mantad laang do komiti nokomoi monginsomok toinsanan mogigion lolobi koonduan om nogi sabaagi susukuon do susumikul ih maganu mato balajaran Kadazandusun.

“Alansan oku kopoimbulaian do blog diti okon nopo ko kaanu manahak pononsunudan, kointalangan kawawagu om pointopot nga kaanu nogi popoingkawas kopurimanan om toilaan kumaa toinsanan puru karait tonggungan do MPWS id suang popotunda koonduan id pogun diti.

“Blog diti pikikiro potimpuunon toun diti. Suangan tokou nogi blog diti miampai mogisuai suai habar om ababayan di pinaanjur toinsanan komiti id siriba MPWS kosuang Ikonomi, Balajaran, Kolidasan, Undang-undang, Sosial, Gender, Koonduan om Media,” ka disio.

Minoboros isido miagal dilo id ababayan Luncheon Talk Miampai Kotinanan Okon Porinta (NGO) om Karamaian Aidil Fitri, id Ballroom Wisma Wanita, do hiti di konihab.

Ababayan dilo pinaanjur Komiti Koonduan om Media MPWS, notindapou pikikiro 300 tulun mantad 60 NGO Koonduan poimpuli Sabah. – Dii Monica Gidong/ SayangSabah.

Komen


Berita Berkaitan