Sayang Sabah Facebook

Likes
Sayang Sabah Twitter

11,806

Followers

Sayang Sabah - Portal Berita Negeri Kita

MPKP wayaan kotundaan sosio-ekonomi rayat

12:15am 17/12/2015 Maryann 0 views Abal Kinoyonon,Keningau,Kinoyonon

pairin
KENINGAU: Kounsil Pirundingan Koporasi Parlimen (MPKP) ih tinuridong monikid toiso-iso Parlimen poimpuli pogun Malaysia nopo nga wayaan popotunda sosio-ekonomi rayat di kiwaya.

Kumoduo Boyoon Montiri Tan Sri Joseph Pairin Kitingan minoboros do, MPKP nga iso karalanon montok maganu sisimbar karait kobolihangkangan ahal id timpu-timpu om ababayan ngawi kotundaan koporas potilombus id toiso-iso kinoyonon Parlimen montok manantu rikoton om monguhup potunda koporasi dilo.

Minoboros isido miagal dilo soira minanahak boboroson id ababayan poingkawas koporasi nayatan Kounsil Pirundingann Koporasi Parlimen MPKP Parlimen P.180 Keningau pinaanjur do Suruhanjaya Koporasi Malaysia (SKM) Sabah do hiti di konihab.

Pairin ih ponogi Montiri Kotundaan Infrasturuktur om Puru Parlimen Keningau minoboros do montok Parlimen Keningau haro 93 tinan koperasi ttoiso-iso 20 id DUN Tambunan, 27 tinan koperasi id DUN Bingkor om 46 tinan koperasi id DUN Liawan miampai ginumu tulun poinsuang 24,181 tulun om ginumu syer RM1.26 riong om ginumu aset koperasi RM4.63 riong miampai pandapatan toinsanan RM1.86 riong.

Id timpu dilo Ponorikohon MPKP Parlimen P.180 Keningau dilo minoboros do montok pogun Sabah 1,248 koperasi nokorijistor miampai puru soginumu 344,410 tulun miampai ginumu syer om yuran RM135.2 riong om ginumu aset RM693.6 riong miampai pandapatan koperasi korikot gisom RM260 riong 31 tulan Kohopod om Duo 2014.- Dii Kalawon Sawing/Sayangsabah

Apa Komen dan Pendapat Anda

Artikel Berkaitan