Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

MoU Sabah – Huawei manahak kosuulan kotundaan ICT Sabah: Musa

musa
SHENZHEN: Porinta Sabah mamaramit tosonong ponguhupan mantad kumponi Huawei id suang monguhup do Sabah pogunda tiknologi kointalangan om piromutan (ICT) om posiliu pogun diti sabaagi pogun pintar toi ko ‘smart state’.

Boyoon Montiri Sabah, Datuk Seri Panglima Musa Haji Aman minoboros do Huawei kaanu posodia ponguhupan tagayo gatang om manahak panduan okon nopo ko poingkawas piromutan nga oinsanangan tiknologi piromutan id pogun diti.

“Sundung ogumu pingisaman do porinta pogun potunda ICT id Sabah nga kakal ogumu ih oporlu wonsoion,” ka disio.

Minoboros isido miagal dilo soira sinasi ababayan misain pijonjian (MoU) id pialatan Huawei om porinta pogun Sabah id Longkod Tupis Huawei, do hiti di konihab.

Tuduan do memorandun dilo nopo nga montok monguhup do Sabah mamagampot rikoton sumiliu longkod ICT id pogun diti.

Musa ih ponogi Montiri Kousinan minoboros do Huawei ih nokotunda id ahal ICT minopointutun do kumponi id nayatan sompomogunan.

Nokotindapou ih Montiri Kotombuluian, Koubasanan om Ahal Posorili Datuk Seri Panglima Masidi Manjun, Montiri Karaja Poimbida Datuk Teo Chee Kang, Montiri Kotundaan Tadon om Tiknologi Kointalangan Datuk Siringan Gubat, Monunurat Tatap montiri Kotundaan Tadon om Tiknologi Kointalangan Datuk Bruno Vun, Kumoduo Molohingon Porosidin ih ponogi puru lombaga kumponi dilo Chen Lifang, Porosidin Pamasaran Huawei Global, Kelvin Zhang om Boyoon Tupisor Eksekutif Huawei Malaysia, Abraham Liu.-SayangSabah

Komen


Berita Berkaitan