Sayang Sabah Facebook

Likes
Sayang Sabah Twitter

11,798

Followers

Sayang Sabah - Portal Berita Negeri Kita

Mororobuat tinolungku 20 toun

10:51pm 15/02/2016 Maryann 1 views Abal Kinoyonon,Kinoyonon,Kota Kinabalu

mahkamah-2-600x355
KOTA KINABALU: Songulun mororobuat tinolungku 20 toun do Kuut Takawas, hiti di baino sabap kasalaan minapasabap kinapataion songulun kusai duo toun nakatalib.

Hakim Kuut Takawas, Datuk Nurchaya Arshad minaparatu ukuman dilo kalapas ih Sabdalih Sajali, 34, minangakun nakasala kumaa titondos alternatif id siriba Seksyen 304(a) Kanun Keseksaan ih poontok ukuman tolungku gisom 30 toun om danda.

Sabdalih minangakun minapasabap kinapataion dii Madrus Dalin, 54 id iso walai aiso numbur Kampung Siasai Dundau, Kota Belud tadau ko-3 tulan Kosiam 2014 jam 12.30 kosuabon gisom 1 kosuabon.

Pogulun dilo, ih Sabdalih dinawa id siriba Seksyen 302 Kanun Keseksaan ih poontok hukuman gisom apatai, sokiro noilaan nakasala.

Peguam bela Zahir Shah minangapalai mooi ukuman agaan kumaa di natandasan miampai minomisunud do kuut manyasal ih natandasan di nunu nowonsoi dau.
Ka disio, ih natandasan minomoguno do tulu dangol minomobog di mungui.

Poingkuro po Kumoduo Mamadawa Tagayo Aida Fatimah Abd Jabar mokianu mooi kuut poontok ukuman kosudong kumaa di natandasan sabap ih mungui nopo nga tulun nolohhing om aiso kogorisan do sumaap di natandasan.

Suai koi lo, ih natandasan nga haro duo kasalaan nakatalib id siriba Seksyen 323 Kanun Keseksaan ih nombo, tinolungku walu tulan montok koduo-duo kiis dilo. – SayangSabah

Apa Komen dan Pendapat Anda

Artikel Berkaitan