Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Monutud poingukab asaru aantakan id papar toun nakatalib

Dunsten-Peter-600x355
PAPAR – Ginumu korugian sasabap kinasaraban id watas diti toun nakatalib nokoinsiriba kumaa RM311,800 piagalon RM15.6 riong toun 2013 miampai ginumu harata dii naanu minanampasi toun nakatalib pikikiro RM1.09 riong piagalon RM150.2 riong toun 2013.

Tumanud Boyoon Balai Bomba Watas Dunsten Peter, kinoinsiribaan dilo pinopokito kimpin kopurimanan ih pinapanau miampai potilombus id kampung-kampung om premi ngawi porinta om swasta nakaanu minamalantoi rikoton.

Poingkuro po, ginumu kinotutudan do gouton id watas diti nokoingkawas kumaa 45 kiis sasabap magadau di toun nakatalib om gagama dilo 67 kiis sokiro piagalon 22 pinoruput di toun 2013.

“Sombohogian dilo momukabun om mananom do parai maganu kosiwatan diti do modtutud montok momorisi kinoyonon pomutanaman diolo. Pongintaban kiis kinotutudan id watas diti di toun nakatalib nga nokoinsiriba siam kiis sokiro piagalon di toun 2013,” ka disio, hiti di baino.

Ka di Dunsten, kinasaraban do gouton nosiliu kiis koduo akawas poompus toun nakatalib miampai 33 kiis, sinusuhut dilo kinasaraban do bangunan (11 kiis), padsakaian (10), kobun om koumaan (6) om suai-suai (duo).

Ka disio, iso noh kinaantakan napatai pinoruput poompus toun 2014 om ginumu di toum 2013 nga miagal nogi dilo.

Ka disio sombohogian tadon kinasaraban nopo dilo nga kinobilihuan do sanganu kawalaian om amu poposogului kotungooligan. – Dii Aryan De Vera / SayangSabah

Komen


Berita Berkaitan