Sayang Sabah Facebook

Likes
Sayang Sabah Twitter

11,792

Followers

Sayang Sabah - Portal Berita Negeri Kita

Monunurat KDM minopotoluod laptop, buuk basaon kuminaa di Rozelin

3:07pm 14/02/2016 Maryann 0 views Abal Kinoyonon,Berita Pilihan,Keningau,Kinoyonon

kdm
KENINGAU: Koisaan Monunurat Kadazandusun Murut (KDM) nakaanu minonimung kousinan montok pomoli kaganapan laptop om kaganapan basaon pinalabus do Dewan Bahasa dan Pustaka (DBP) montok panakadai kumaa songulun puru dilo i nakalantoi tutungkap sastera, i Rozelin Vitalis.

Minoboros i Monunurat Tagayo Monunurat KDM toi ‘Monunurat Momogun Malaysia’ (Momogunsia) i Kathirina Tati Sitaim, do pinolombus atag kuminaa do puru ngawi tinan nokomoi montok monimung kousinan kurang lobi duo minggu nakatalib.

“Ondos kopio oku sabap atag do monimung kousinan nakaanu sisimbar tuturus om asil dilo pomoli kakamot laptop om buuk ngawi basaon,” ka diiso.

Tumanud dii Kathirina ih Bandaharo Tagayo Momogunsia, Sofie Clara minooi id Keningau di tadau Kolimo montok rumuba di Rozelin id walai diolo =id Kampung Merapok, Bingkor, om ginuli id longkod pogun di tadau Koonom.

Rozelin, nopo nga monunurat tapantang nakaanu kinalantaian Tutungkap Sastera Kotinanan Koubasanan pogun Sabah om sunaratan ngawi disio miagal puisi om cerpin kasasari kalabus id karatas habar ngawi kinoyonon.

Sinuratan ngawi disio diti maapantod miampai wotik wotik etnik Sabah misudong miampai visi om misi do Momogunsia popoinsawat kointutunan etnik Sabah id sinuratan kreatif om popoburu sinuratan etnik id nayatan kabansaan. – SayangSabah

Apa Komen dan Pendapat Anda

Artikel Berkaitan