Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Montiri pinili apatut poposogulu kosuulan balajaran id Sabah

masidi2

KOTA KINABALU: Kaganaan balajaran tantu kotilombus onuan pogintangan om posoguluonon toinsanan puru miampai amu monutun isai momuruan Komontirian Balajaran.

Exco Balajaran Pogun, Datuk Masidi Manjun minoboros miagal dilo soira pinokianu mongulas pomilian di Montiri Balajaran kawawagu Datuk Seri Mahadzir Khalid mongolon dii Tan Sri Muhyiddin Yassin i pinoidu mantad Kabinet Pisompuruan.

Masidi ih ponogi Montiri Kotombuluian, Koubasanan om Ahal Misorili minoboros do pialanan dilo kapaampai noh montiri om okon ko impohon toi ko polisi toiso-iso komontirian.

“Sabap impohon balajaran pogun winondoi tumanud pononsunudan om pomusarahan mantad toinsanan kosuang tupisor takawas komontirian om okon ko koputusan misosondiri sosongulun montiri.

“Otumbayaan oku Datuk Seri Mahdzir Khalid amu momonsoi ponimbanan tosikap suai ko montok tuduan monginsonong koinsonongon balajaran pogun.

“Alansan oku nogi, kaanu isido poposogulu id ahal popoingkawas ningkokoton balajaran id Sabah lolobi ahal konununuon om poruntukan di kosudong,” ka disio do hiti di baino.

Minoboros isido miagal kumaa maganu habar kalapas linansan di Boyoon Montiri Datuk Seri Musa Aman id ababayan walai poingukab Aidilfitri miampai mongingia pogun Sabah.

Nokotindapou nogi ih Potunud Balajaan Pogun Datuk Jame Alip om Kumoduo dai, Maimunah Suhaibul. – Dii Sitti Nor Azizah Talata / SayangSabah

Komen


Berita Berkaitan