Sayang Sabah Facebook

Likes
Sayang Sabah Twitter

11,799

Followers

Sayang Sabah - Portal Berita Negeri Kita

Monoruang kadai pongindopuan, apat ginakom

10:17am 13/01/2016 Maryann 0 views Abal Kinoyonon,Jenayah,Keningau,Kinoyonon

douglas-pecah rumahKENINGAU: Apat kusai kosuang songulun ih aiso kad kointutunan minonoruang iso kadai pongindopuan id Lot 23 Padasa Comercial Complex watas diti ginakom do pulis asil pongintutunan maya komira poinglisok (CCTV) kadai dilo.

Boyoon Pulis Watas Keningau Deputi Supritendan Polis (DSP) Douglas Nyeging Taong minoboros do ontok tadau ko-10 tulan Koiso nakatalib pikikiro jaam 11.00 kosuabon, sanganu kadai dilo sinunudan do kadai dau Cahaya Solar nosoruang do manakau.

“Soira pinorisa, nokito bohogian tupis kadai om kaunter id toguang nourias di manakau om tusin soginumu RM4,830, iso talipaun tiigiton Samsung Note 5 kigatang RM2,650 nga natagak.

“Sanganu di kadai minogintong rakaman CCTV om nokokito tolu tulun kusai minonoruang kadau dau pogulu minomonsoi ruputan pulis,” ka disio kumaa maganu habar kalapas pitimungan tulanan IPD do hiti di konihab.

Mantad kointalangan dilo, tadau ko-11 tulan Koiso lobi kurang jaam 11.30 totuong, sontinumungan polis mantad raan Kasalaan Tawagat IPD Keningau binuruan dii Inspektor Roning Mulut minooi id iso walai aiso numbur kampung Apin-Apin om nakaanu minamagakom songulun kusai kikotumbayaan nakaampai id kiis dilo.

“Asil ponoriukan di pinapanau kumaa dii nagakom, minoposunud tambalut dau di suai gisom nagakom,” ka disio. – Dii Kalawon Sawing/Sayangsabah

Apa Komen dan Pendapat Anda

Artikel Berkaitan