Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Monombir kreatif kaanu momoruhang kousinan paganakan

jahitan-600x406
KOTA BELUD: Tinimungan koonduan lolobi kopio suri rumah nunsub mimparagat id kaganaan monombir kreatif ih haro koonuan tagayo momoruhang kousinan paganakan.

Ponorikohon Kounsil Kotundaan Koonduan om Paganakan (MPWK) Parlimen Kota Belud Eyung Latun minoboros do montok monguhup tinimungan koonduan mamagampot gompoton dilo, porinta maya mogisuai-suai puru posodia pinsingilaan monombir montok manahak toilaan kumaa tinimungan nokomoi di orohian id kaganaan dilo.

Ka disio sundung do kogumuan koonduan nasandadan koilo monombir nga nung koilo nohh tomod amu kabagal sokiro amu diolo poingkawason komilaan id kaganaan monombir kreatif.

“Tinimungan Koonduan lolobi surirumah oporlu momoguno kosiwatan di pinosodia porinta maya mogisuai-suai kopoonjuran pinsingilaan timpu oniba om anaru id kaganaan diti montok momoruhang komilaan diolo,” ka disio.

Minoboros isido miagal dilo soira minanahak boboroson id ababayan ponutuban Ababayan Kraf Kreatif Monombir Tudung pinaanjur do Komontirian Kotundaan Koonduan Paganakan om Mogigion, Lombaga Mogigion om Kotundaan Pogun om nogi Tinimungan Koonduan Umno bohogian bahagian Kota Belud do hiti di kawawagu. – Monica Gidung/Sayangsabah

Komen


Berita Berkaitan