Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Monolob om Monogit Akinabalu

manalob

RANAU- Ababayan adat koubasanan ‘Monolob om Monogit Akinabalu’ mantad tinaru Dusun Tindal Tatagas om Dalus Kampung Bangkahak Kota Belud pinaharo solinaid tolu tadau nokotimpuun tadau Kolimo nakatalib.

Pomurinoitan dilo pinapanau do Bobolian id Resort Kiram Mosilau Kundasang.

Kihontolon papaharo ‘pibarasan’ om ‘mokianu pokiompunan’ om ‘koumoligan’ mantad miion Nuluhon Nabalu ‘Aki om odu Nabalu’ mooi manahak kotungoligan kumaa mogigion mantad nunu nopo korumbakon sandad misorili.

Pomurinoitan dilo binuruan dii Tindarama Amann Sirom Simbuna OT Tarantap, 62 mantad kampung Bangkahak Kota Belud miampai omon tambalut dau minonimpuun ‘Momurinait’ om ‘Momulangga Kinoyonon’.

Kalapas dilo, momurinait do ‘Monolob do Narangkai’, ‘Polubuk do 6 manuk’,’Polubuk do iso kambing’ om ‘korindawanan Tindarama Tantagas’.

Songinan kambing om limo tinan manuk opurak kinorot id mamaso momurinait dilo.

Wookon nopo tinaru di nakaampai nga tinaru Tambanuo mantad Pitas, Kimaragang (Kota Marudu), Tobilung (kota Marudu), Dusun Tindal (Kota Belud) om Kadazan mantad Kimanis om Papar.

Amann Sirom minoboros do pomurinoitan dilo pinaharo kituduan popoguli kawagu piromutan tosonong mianpai minamangun om mokianu ‘Rogon’ ih papasabap kobolihangkangan dilo poinsoduon mantad mogigion. – Dii Dewiana Tinggolongon / SayangSabah.

Komen


Berita Berkaitan