Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Monimbit: Komulakan tinahan do pulis

Motorsikal ih kikotumbayaan ginuno di natandasan. Gambar tokooro, kakamot sinanganu di mungui.
Motorsikal ih kikotumbayaan ginuno di natandasan. Gambar tokooro, kakamot sinanganu di mungui.

KOTA KINABALU – Songulun komulakan kiumur 17 toun tinahan do pulis sabap kikotumbayaan nakaampai id iso kiis kasalaan monimbit songulun mongingia tondu id Jalan Damai Luyang ontok tadau ko- 30 tulan Kotulo nakatalib.

Tupisor Monoriuk Inspektor Maidon Barnabus minoboros do, komulakan dilo tinahan piro piro jam kalapas minonombit miampai songulun poh kawagu tambalut disio ih kakal poingidu.

Id kinaantakan pikikiro jaamm 11.50 totuong dilo, mungui kiumur 55 toun mamaso mamanau gakod pogulu ninsamakan di duo kusai poinsakai motosikal.

“Ih natandasan minonimbit kantung di mungui kisuang RM150, duo talipaun, kad ATM om Mykad,” ka disio.

Mungui minomonsoi ruputan jam ko-12.12 tanga tuong id Balai Polis Luyang.

Mantad asil poniisan do sobu, noilaan komulakan dilo positif dadah syabu om haro do rikod kasalaan nakalaid tumanud Seksyen 12 (2) om 15 (1) Akta Dadah Berbahaya 1952.

Ih natandasan tinahan daamot montok soriukon id siriba Seksyen 379 Kanun Keseksaan. – Dii NUZIR ANDI SAMSIAR / Sayangsabah

Komen


Berita Berkaitan