Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mongusaha bas pinokianu poinsiriba tambang

Wookon padsakaian kogumuan id posorili kakadaian Kota Kinabalu.
Wookon padsakaian kogumuan id posorili kakadaian Kota Kinabalu.

KOTA KINABALU – Momoguno id pogun diti lolobi id kakadaian Kota Kinabalu mokianu kumaa kumponi padsakaian kogumuan do poinsiriba gatang tambang kopiagal dilo kinoinsiribaon gatang tumau petrol om diesel.
Minoboros iyolo do, pogulu diti haro sombohogian mongusaha bas id posorili kakadaian minopoingkawas tambang sabap tumanud diolo, nokoingkawas o gatang do tumau.
“Do babaino diti, gatang do tumau petrol om diesel induo noh koinsiriba, sabap dilo, apatut yolo poinsiriba tambang do bas,” ka Evianna Mazinal, songulun kukumaraja swasta ih momoguno padsakaian kogumuan monikid tadau.
Ka disio, tambang bas mantad 1Borneo kumaa id kakadaian Kota Kinabalu piro-piro toun nakatalib soginumu RM1, nga soira nokoingkawas gatang do tumau, pinoingkawas do papanau bas o tambang gisom RM2.
Songulun kolej Jane Jaiso minoboros do, isido nga amu nogi osontob ginawo dilo padsakaian kogumuan kosuang bas bandaraya mantad 1Borneo kumaa id longkod kakadaian.
“Kowowoyoon miagal dilo poposusa mogigion lolobi kopio susumikul ih sumakai bas monikid tadau,” ka disio.
Daamot dilo, papanau bas mantad longkod kakadaian Kota Kinabalu kumaa id 1Borneo mongolism titondos do minopoingkawas tambang gisom RM2.
“Kalapas nokoinsawat o gatang tumau piro-piro toun nakatalib, nokoingkawas tambang soginumu 50 sen om okon ko RM1. Amu yahai koilo dilo papanau bas do suai … nga yahai nopo tumanud tambang di pinatantu do Lembaga Pelesenan Padsakaian Pidagangan (LPKP),” ka disio. – Dii MONICA GIDUNG / Sayangsabah

Komen


Berita Berkaitan