Sayang Sabah Facebook

Likes
Sayang Sabah Twitter

11,695

Followers

Sayang Sabah - Portal Berita Negeri Kita

Mongumang umang di TPM: Tolu NGO Sabah minomonsoi ruputan pulis

2:44pm 26/02/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

PDRM1-600x4041-600x404
KOTA KINABALU: Tolu kotinanan okon ko porinta (NGO) Sabah tadau baino minomonsoi ruputan pulis karait laang songulun sanganu akaun Facebook ih dinawa mongumang umang di Kumoduo Luguan Montiri Datuk Seri Dr Ahmad Zahid Hamidi maya laman sosial dilo.

Ruputan dilo winonsoi di Kotinanan Bansa Sungai Sabah, Kotinanan Momogun Rungus Sabah om Kolab Kapal Komulakan Asia Malaysia id Longkod Tupis Pulis (IPD) Kota Kinabalu, konihab.

Kumoduo Porosidin Kotinanan Bansa Sungai Sabah Datuk Juhari Janan mongobi NGO suai minoboros do ruputan dilo montok mokianu do pulis om Suruhanjaya Piromutan Multimedia Malaysia (SKMM) maganu laang tokodou kumaa tulun di aiso tonggungan.

“Iti nopo nga kowowoyoon amu osonong om alansan yahai pulis om SKMM maganu laang tosikap montok mogowit tulun diti montok pangadangan,” ka disio.

Minoboros isido miagal dilo kumaa maganu habar kalapas minomonsoi ruputan pulis do hiti.

Tadau Koduo nakatalib akaun Facebook dilo momoguno ngaran Doris Jones minoposuang do status kaagal agal popiagal dii Ahmad Zahid sabagi tasu.

Alansan ih Juhari kaanu o pulis miuhup miampai Polis Sompomogunan (Interpol) montok manahan dii Doris Jones sabap tulun dilo kikotumbayaan mogigion Sabah ih poingion id London, nokoumbal minopoimbulai provokasi maya tinimungan Sabah Sarawak Keluar Malaysia (SSKM). – BERNAMA

Apa Komen dan Pendapat Anda

Artikel Berkaitan