Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mongintutun kinoyonon denggi maya aplikasi iDengue-MOSTI

dengi
TUARAN: Mogigion pinokianu momuat turun aplikasi iDengue miampai aiso kabarai montok mongilo toi ko mongintutun kinoyonon poingabas do denggi toi ko amu.

Montiri Sains, Tiknologi om Inovasi (MOSTI) Datuk Seri Panglima Wilfred Madius Tangau minoboros do maya aplikasi dilo, tulun ginumuan kaanu mongilo toiso-iso kinoyonon dilo poingabas do denggi toi ko amu om kointalangan id suang aplikasi dilo nga tumanud timpu pointopot om kemas kini monikid timpu do Komontirian Kolidasan.

“Aplikasi dilo pinoimbulai miampai Komontirian Kolidasan montok mogintong kaangayan momunso do dengi ih okon nopo ko tonggungan toiso-iso agensi nga tonggungan toinsanan puru kosuang tulun ginumuan.

“Maya aplikasi dilo, rayat id toiso-iso kinoyonon kaanu mongintutun kinoyonon ogumu pogontoluan do denggi om sokiro haro kiis, mogigion mositi manahak ponguhupan do momorisi kinoyonon dilo potilombus mokianuu puru pointantu maganu laang pangantaban,” ka disio.

Tumanud di Madius, MOSTI nga haro iso produk inovasi ih kaanu mamatai do tontolu togonok id kinoyonon pogontoluan potilombus moningkod pogontoluan om paganakan togonok aedes.

“Produk mantad New Zealand dilo okon ko bahan kimia nga ilo nopo iso elemen winonsoi mantad tinan di togonok dilo sondiri.

“Gisom baino MOSTI minopotikid lobi kurang 100,000 kit produk dilo id piro-piro pogun ih nosiliu kinoyonon pogontoluan togonok aedes,” ka disio. – Dii Leolerry Lajius/Sayang Sabah

Komen


Berita Berkaitan