Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mongingia onuan do elaun kosusaan, 107 sikul alayak id Sabah

guru-600x367
SANDAKAN – Soginumu 107 sikul id Sabah alayak mamaramit Panahakan Elaun Poimbida tumanud kinoyonon om gontob kosusaan kumaa mongingia toi ko monontuduk ih pakaraja tumanud ponilaian kawagu ih poimpuunon tulan diti.
Porosidin Koisaan Monontuduk Ngawi Sabah (STU) Suhaimi Othman minoboros do nokoingkawas o ginumu dilo sokiro piagalon 38 sikul di toun nakatalib tumanud sinarai sikul di nintangan di toun 2007.
Ka disio, elaun poimbida dilo popomilo monontuduk ih mangajar id sikul tosiriba om mananga id suang bohogian P3 rumamit soginumu RM1,500 sombulan.
“Mongunsikou o STU kumaa porinta om Kumoduo Luguan Montiri ih ponogi Montiri Balajaran Tan Sri Muhyiddin Yassin sabap karati kosusaan om koingoritan di otoguang do monontuduk id kinoyonon labus kakadaian kosuang id pulau-pulau om padalaman pogun diti.
“Otumbayaan oku pomoruhangan diti kaanu poposindak sunduan tambalut ngawi monontuduk do kumaraja id kinoyonon padalaman om pulau om nogi mongingkuri kosusaan diolo,” ka disio kumaa Bernama.
Maya ponilaian kawagu dilo, soginumu 372 sikul id Sabah om Sarawak alayak id suang panahakan elaun poimbida dilo kumaa monontuduk di pakaraja id kinoyonon nokomoi. – BERNAMA

Komen


Berita Berkaitan