Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Momuruan veteran pinokianu tumingkod paparaat impohon do porinta

hisamudin
KOTA KINABALU – Kumoduo Porosidin Umno Datuk Seri Hishammuddin Hussin mokianu kumaa toinsanan momuruan veteran do tumingkod popingraat impohon do porinta, nga miampai nogi daa monguhup popotunda pogun diti kumaa id ningkokoton lobi komogot.

“Momuruan di nokopogulu apatut kopuriman do kowowoyoon pomorintaan porinta ih haro do baino asil mantad binuruan diolo timpu diolo mamaso haro kuasa pogulu diti,” ka disio.

Minoboros isido miagal dilo kumaa maganu khabar soira minongoi tombului om minintong sondiri kotundaan id Pangkalan Susumangod Rahat Diraja Malaysia (TLDM), Sepanggar somok hiti di songkosodop.

Tumanud disio, pitagadan id tanga momuruan di nakalaid om do baino diti milo salasaion maya pibarasan apat mato om okon ko poposiliu maganu khabar sabagi wayaan diolo moguhod id tiso om iso.

Minoboros i Hishammuddin do, impohon kotundaan di pinapanau do porinta do babaino diti nopo nga kosuang nogi ih koputusan momuruan nokopogulu.

“Okon ko, sabab okon nodii ko momuruan iyolo, popoimbulai dii yolo kobolihangkangan miampai popingraat nunu nopo koputusan om impohon ih winonsoi do porinta kosuang ahal pomolian do kapal salam KD Tunku Abdul Rahman,” ka disio. – Dii Nuzir Andi Samsiar / sayangsabah

Komen


Berita Berkaitan