Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Momuruan sunsud porikot impohon do porinta

bobbey
NABAWAN: Momuruan ngawi id nayatan sunsud kosuang kotinanan ugama apatut papanau tonggungan sabaagi porikot impohon do porinta om paparati kumaa rayat id kinoyonon toiso-iso diolo karait ahal id timpu-timpu.

Monguhup Montiri Kotundaan Infrastruktur Datuk Bobbey A. Suan minoboros do toinsanan momuruan id nayatan sunsud mositi manahak kointalangan kumaa rauat karait ahal id timpu-timpiu I naantakan id pogun diti miagal ikonomi, kinoinsiribaon mato tusin, koingkawason gatang kakamot om ogumu poh.

Ka disio ahal di naantakan id suang pogun ih nopurimanan poimpuli pomogunan.

“Sabap dilo momuruan mogigion id nayatan sunsud miagal Boyoon Tanak Pogun, Lalansanon Boyoon Tanak Pogun, Moholingon Kampung, Ponorikohon Komiti Kotundaan om Koumoligan Kampung (JKKK) om kotinanan momuruan id nayatan kampung mositi papanau tonggungan diolo manahak kointalangna kumaa mogigion sunsud,” ka disio.

Minoboros isido miagal dilo soira minanahak boboroson id ababayan pason montok boyoon ngawi koupisan om momuruan sunsud, do hiti.

Bobbey ih pponogi Puru Walai Koundangan Pogun (ADUN) Nabawan minoboros miagal dilo id Dewan Serbaguna do hiti di tadau Kaapat nakatalib. – Kalawon Sawing/Sayangsabah

Komen


Berita Berkaitan