Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Momogunsia unsubon papawakas ponuratan montok mamasok

madius

KOTA KINABALU: Kolob Ponuratan KadazanDusun Murut (Momogunsia) pokionuon papawakas kolobusan sinuratan kogompit mamasok Sabah.

Porosidin Parti Pasok Momogun Kadazandusun Murut (Upko), Datuk Wilfred Madius Tangau minoboros do Momogunsia nga mositi papabaa koponoriukan maya pionitan pisokodungan miampai mamasok ngawi di miagal mogisusuai pogun id Asia Tenggara.

Isido i nogi Puru Parlimen Tuaran minoboros do Momogunsia nopo nga tinan ponuratan di kosudong kopio montok manahak sakadai kaganapan balajaran boros KadazanDusun id sikul ngawi, kolej om univositi.

“Mogigion mogisusuai tinaru id Sabah haro kakayaan tinungkusan koubasanan i amu po noukab poimponu dilo om kiguno montok tinimungan ponuratan mamasok kogompit montok papalabus sinuratan om koponoriukan karait mamasok diolo montok pongintangan sinakagon timpu rumikot suai ko sabaagi sandad toilaan ih aanu intangan do monoriuk id suang om labus pogun,” ka disido.

Minoboros isido dilo ontok minamaramit kotombuluian pamantangan komiti longkod Momogunsia i binuruan dii Kumoduo Ponorikohon Raymond Majumah id upis Madius id hiti di kawawagu.

Raymond nga tinanud di monunurat, Kathrina Tati Sitaim, Monozibut, Sofie Clara, komiti lomgkod, Alex Monsu Godon om Gazali Suhaili.

Id suang kotombuluian dilo, minanahak i Raymond boboroson kuminaa di Madius kokomoi babayan tinaru ponuratan i maamaso papanahon suai ko ponguludan toun rumikot montok papanau Pirubaan Monunurat Mamasok popohompit do pogun ngawi Asia Tenggara. – Dii Monica Gidong / SayangSabah

Komen


Berita Berkaitan