Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Momoguno Internet pinosorou mongubasan “Tapisan Kendiri”

salleh-3-600x450
KUALA LUMPUR: Montiri Piromutan om Multimedia Datuk Seri Dr Salleh Said Keruak minoposorou kumaa toinsanan momoguno internet mooi mongubasan ponginsamakan ‘self-censorship’ toi ko ‘tapisan kendiri’ om potontu katapatan toiso-iso kointalangan di piniuhupan maya media sosial.

Ka disio, momoguno amu apatut do monodos noh butang, ‘like’ om pouhup amu atantu-tantu sabap posuang om miuhup kointalangan amu otopot kopoimbulai kobolihangkangan kumaa momoguno.

“Haro waya etika om undang-undang soira sosongulun miuhup do habar om kointalangan amu otopot id talian,” ka disio id sinuratan kawawagu blog disio, sskeruak.blogspot.my, tadau baino.

Tumanud dii Salleh momoguno internet nga mositi karati toiso-iso kointalangan id sambalik di tulu habar toi ko katapatan toiso-iso habar.

“Miagal di kopoingatan do pakar ponipuan laman media sosial ‘Sokiro osonong kopio ri, ilo nopo doti nga iso ponipuan,,” ka disio.

Minanahak nogi ih Salleh piro-piro pomitanan habar pilasu ih pinosibar maya media sosial miagal kiis mangangahau id Sarikei, Sarawak tulan nakatalib ih noko viral.

Suai koi lo, ka di Salleh, sinuratan noko viral karait ‘Apai Nyamun’ ilo nopo nga kinaantakan mononongoi om mamatai piro-piro poingion id walai tanaru id Bintulu, Tatau om Mukah montok maganu tulu om suang tinan diolo, nga mantad ponoriukan do pulis noilaan kiis dilo amu nokoimbulai. – BERNAMA

Komen


Berita Berkaitan