Sayang Sabah Facebook

Likes
Sayang Sabah Twitter

11,823

Followers

Sayang Sabah - Portal Berita Negeri Kita

Molohing mositi papanau tonggungan monuduk tangaanak: Jaujan

11:06pm 02/03/2016 Maryann 1 views Abal Kinoyonon,Berita Pilihan,Kinoyonon,Tawau

JAUJAN
SEMPORNA: Komolohingan amu apatut poiliu poimponu tonggungan monuduk do tangaanak diolo kumaa mongingia id sikul, ka di Puru Walai Koundangan Pogun Sulabayan, Dato’ Dr Haji Jaujan Sambakong.

Ka disio, molohing toi ko tina tapa mositi kopuriman do yolo sondiri haro tonggungan manahak ponontudukan kumaa tangaanak diolo mooi haro kowowoyoon tosonong.

“Karaja monontuduk toi ko mangajar do tangaanak id longon koduo-duo molohing om okon ko patahakon poimponu kumaa mongingia id sikul,” ka disio.

Minoboros isido miagal dilo soira minopotimpuun Mitingan Tagayo Kotinanan Tina Tapa om Mongingia (PIBG) SK Pulau Bait do hiti.

Daamot dilo minapaatag nogi ih Jaujan piro-piro ponginsamakan pangajaran ih milo gunoon do sikul ih nokotuduk do sikul pogun Jepun om kosudong potudukon kumaa toinsanan sikul tosiriba id pogun diti.

Ka disio, potudukon o kowowoyoon tosonong kumaa tangaanak sikul soira tumoguang toi ko koruba tulun ginumuan. Konsip mat balajaran 3M (koilo mambasa, mongintob om monurat) mositi poingkawason mooi tangaanak oruhai karati nunu suang id mato balajaran di pinotuduk do mongingia.

Tumanud disio, ponginsamakan ponontudukan id pogun Jepun nopo nga tangaanak sikul miampai mongingia diolo tinudukan momorisi bilik darjah om kinoyonon sikul pogulu timpuunan o kalas.

“Tangaanak sikul id pogun dilo nga mositi mogowit burus nipon id sikul om momurus do nipon monikid kalapas kaakan montok monguhup diolo poingkawas kopurimanan koborisian,” ka disio. – SayangSabah

Apa Komen dan Pendapat Anda

Artikel Berkaitan