Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Molohing apatut manahak ponontudukan ugama kumaa tangaanak

bugaya-2
SEMPORNA – Balajaran ugama nopo nga impohon komilaan ih apatut posuangon id koposion tangaanak montok popomilo diolo mangalai nunu ih araat om osonong, potilombus monungolig diolo mantad oimbayat karaja tangaraat.
Monguhup Montiri Kousinan pogun Datuk Ramlee Marhaban minoboros do ralan ponginsamakan di kiwaya do mangajar tangaanak nga maya balajaran ugama om Al-Quran mantad tongokoro poh.
Ka disio, ilo nopo nga laang goos osonong id suang mogintong kopio tinimungan komulakan kaanu poposiliu Al Quran om ilmu ugama sabagi panduan koposion diolo poompus koposion sabap sahsiah komulakan do Islam apatut ponuon do nilai-nilai osonong tumanud do Islam.
“Sabap diti, toinsanan molohing apatut papanau toinsanan porsodiaan miagal dilo montok mongilag kobolihangkangan sosial id tanga mogigion lolobi tinimungan Melayu bumiputera,” ka disio.
Minoboros isido miagal dilo id kopongukaban ababayan Khatam Al-Quran pinaanjur Kelas Pengajian Asnaf Semporna miampai ponguhupan Unit Pemimpim Pembangunan Masyarakat Bugaya id Dewan Terbuka Kampung Seraya, Semporna hiti di konihab. – SayangSabah

Komen


Berita Berkaitan