Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogusa om potoluod id Larian Amal Kaamatan Tambunan 2016

larian kaamatan
TAMBUNAN: Porijistaan montok Larian Amal Kaamatan Tambunan 2016 koinduo pinotimpuun dii Kumoduo Boyoon Montiri Sabah, Tan Sri Joseph Pairin Kitingan.

Ababayan dilo pohoroon tadau ko-17 tulan Kaapat kisinodu 13 kilometer iso impohon pointutun Tambunan sabaagi ririkoton tutumombului om montok monimung toluod mantad tulun ginumuan.

Tutumanud di orohian tumanud ababayan diti kaanu rumijistor pogulu orikot tadau ko-7 tulan Kotolu maya laman web Eventbrite miampai mogihum Tambunan Kaamatan Charity Run 2016 toi ko mongoi id Likas Golf Driving Range toi ko tupis watas Tambunan.

Yuran kotonudan nopo nga RM75 montok 300 tutumanud osopung, RM90 baraian normal montok 800 tutumanud om tutumanud di alambat korijistor mambarai RM100.

Asil di opuhu diti patahakon kumaa Rumah Kanak-kanak Bondulu, Toboh, Asrama Butitin Nabawan om Pusat Pemulihan Dalam Komuniti Tambunan. – Dii Leolerry Lajius/Sayang Sabah.

Komen


Berita Berkaitan