Sayang Sabah Facebook

Likes
Sayang Sabah Twitter

11,809

Followers

Sayang Sabah - Portal Berita Negeri Kita

Mogindapu tinolungku om danda haro kakamot pulis

10:02pm 23/02/2016 Maryann 0 views Abal Kinoyonon,Kinoyonon,Kota Kinabalu

mahkamah
KOTA KINABALU: Songulun mogindapu tinolungku onom tulan om danda RM300 toi ko duo tulan tolungku do Kuut Majistret, hiti di baino sabap kasalaan haro kakamot pulis miampai aiso kasagaan.

Ih natandasan Mohd Noh Mat Jusoh, 57 minapapanau kasalaan dilo id Blok C2, pomuwalaian Telipok, Menggatal, jam 2.15 sosodopon, ko17 tulan Koduo nakatalib.

Noh hinukum id siriba Seksyen 89 (a) Akta Polis 1967 ih poontok hukuman danda gisom RM500 toi ko danda amu katalib onom tulan toi ko koduo-duo.

Tumanud kointalangan kiis, ih natandasan tinahan mamaso rondaan OPS Ledak ontok tadau dilo id tampat kinaantakan.

Tupisor pulis minomorisa di natandasan om nokito poingrasuk do T-shirt kiwotik oitom miampai logo Polis Diraja Malaysia.

Asil pomorisaan id suang koita di natandasan, nabantalan nogi o piro-piro kakamot tupisor pulis ilo nopo nga apat rasuk T-shirt kiwotik oitom, tupi kilogo Polis Diraja Malaysia, duo koping posokoton kilambang do pulis, iso sarung gari ‘Police’ om iso gari.

Asil ponoriukan potilombus noilaan do ih natandasan nopo nga okon ko tupisor pulis.

Soira nuhot, ih natandasan minoboros do toinsanan kakamot dilo nopo nga pongitanan pinatahak di tambalut dau mantad Pasukan Gerakan Am (PGA). – SayangSabah

Apa Komen dan Pendapat Anda

Artikel Berkaitan