Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogindapu pomutanaman apatut popilipat pingisaman: Yahya

Jessica Mudi mantad Kampung Watan Ranau mamaramit Sijil Kursus Pinsingilaan Pomutanaman Miuhup mantad Montiri Pomutanaman om Industri Taakanon Datuk Yahya Hussin.  - Foto JIMMY TAN / Sayangsabah
Jessica Mudi mantad Kampung Watan Ranau mamaramit Sijil Kursus Pinsingilaan Pomutanaman Miuhup mantad Montiri Pomutanaman om Industri Taakanon Datuk Yahya Hussin. – Foto JIMMY TAN / Sayangsabah

KOTA KINABALU – Mogindapu pomutanaman pinosorou moi popilipat pingisaman do popotunda porojik pomutanaman diolo gisom agampot iman-imanon diolo.

“Id suang papanau porojik pomutanaman, tinimungan mogindapu tantu kotoguang mogisuai suai kaantaban,” ka di Montiri Pomutanaman om Industri Taakanon Sabah Datuk Yahya Hussin.

Minoboros isido miagal dilo id ababayan panahakan Sijil Kursus Pinsingilaan Pomutanaman Miuhup Ko-19 om Pomungaranan Pongusaha Pomutanaman Cemerlang id Auditorium Kompleks Koupisan Koubasanan om Kosonoan Pogun, do hiti.

Yahya ih ponogi Kumoduo Boyoon Montiri minoboros do montok mamagampot kalantaian id kaganaan pomutanaman, mositi haro ponguhupan om sokodung mantad puru suai kosuang koupisan om agensi porinta nokomoi.

“Sabap dilo, alansan oku toinsanan koupisan om agensi porinta id siriba komontirian ku, komontirian longkod om siktor swasta do kasasari manahak sokodung om nogi pomisunudan kumaa tinimungan mogindapu,” ka disio. – Dii NUZIR ANDI SAMSIAR / Sayangsabah

Komen


Berita Berkaitan