Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogindapu norugi RM45,000

tools

KOTA KINABALU – Songulun mogindapu ih minonongkiad walai do minuli kampung ontok karamaian Hari Raya Aidilfitri om amu minoposunud do puru pulis norugi RM45,000 soira walai dau sinoruang do manakau.

Boyoon Pulis Watas Asisten Komisioner M.Chandra minoboros do kinaantakan dilo nopurimanan di mungui soira ginuli id walai disio id Jalan Pasir, Likas.

“Mantad ponoriukan do pulis, noilaan ih minongumpilin amu minooi sunud do pulis montok mogintong walai dau soira minuli kampung ontok tadau 18 tulan Koturu nakatalib,” ka disi id pitimungan habar do hiti di baino.

Wookon nopo babarang di natagak nga duo komputer laptop, iso iPad, duo telefon bimbit, iso kamera, barangan kemas om tusin.

Tumanud di Chandra, mantad kointalangan tulun ginumuan, sinugkuan do pulis iso unit apartment id Api Api Centre om minanahan tolu kusai pikikiro jam 7.30 totuong di tadau mungui minomonsoi ruputan.

“Pomorisaan do pulis ih natandasan kiumu 23 om 33 toun haro rikod kasalaan pogulu kapaampai kasalaan momoguno dadah.

“Songulun poh kawagu haro rikot kasalaan id siriba Seksyen 411 om Seksyen 414 Kanun Keseksaan sabap kiharo om polisok kakamot pinanakau,” ka disio. – Dii Nuzir Andi Samsiar / Sayangsabah

Komen


Berita Berkaitan