Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogindapu longkod kotombuluian apatut mogintong kukumaraja haro sitipikit KKM

 Kamarlin (id tohuri, onom mantad gibang) guminambar miampai susumikul ih nakaanu tutungkap kinalantaian id ababaian dilo. - foto Aryan De Vera

Kamarlin (id tohuri, onom mantad gibang) guminambar miampai susumikul ih nakaanu tutungkap kinalantaian id ababaian dilo. – foto Aryan De Vera

BEAUFORT – Mongindapu toi ko pongusaha longkod kotombuluian id pogun diti ih posodia taakanon kumaa tutumombului apatut mogintong toinsanan kukumaraja haro sitipikit posodiaan taakanon mantad Komontirian Kolidasan Malaysia (KKM).
Monguhup Montiri Kotombuluian, Koubasanan om Ahal Misorili, Datuk Kamarlin Ombi minoboros do kosuul ilo montok popotindohoi standard koborisian taakanon om mangalai kaantakan amu osonong kosuang aanit do taakanon.
Tumanud disio, toinsanan kukumaraja apatut tumanud pinsingilaan posodia taakanon kosuang mokianu pomorisaan kolidasan mantad tupisor pongubatan om mokijarum do anti Tifoid (TY2) montok popomilo diolo maganu sitipikit ih pinasaga do KKM.
“Mulong potuu gisom baino aiso po kumpilin karait gontob koborisian taakanon nga apatut tokou sumodia lobi tosopung moi amu aantakan kaantakan amu osonong miagal aanit do taakanon,” ka disio.
Minoboros isido miagal dilo kumaa maganu habar id ababayan Anugerah Kecemerlangan SK Lupak, hiti di konihab.
Minokianu nogi ih Kamarlin kumaa Koupisan Kolidasan Pogun Sabah do papanau pomorisaan kumaa toinsanan kukumaraja posodiaan taakanon id longkod kotombulioan poimpuli pogun diti. – Dii Aryan De Vera / SayangSabah

Komen


Berita Berkaitan