Sayang Sabah Facebook

Likes
Sayang Sabah Twitter

11,794

Followers

Sayang Sabah - Portal Berita Negeri Kita

Mogigion Tawau monokodung ponuhuan pataid pongindopuan miolon babarang id Sabah

10:58pm 11/04/2016 Maryann 6 views Abal Kinoyonon,Berita Pilihan,Kinoyonon,Tawau

taawu
TAWAU: Mogigion id Tawau manahak sokodung poimponu kumaa ponuhuan do porinta Sabah pataid toinsanan karaja pongindopuan miolon kakamot mimpuun tadau Kotolu nakatalib id toinsanan palabuhan pogun diti.

Timbang Boyoon Umno Bohogian Kalabakan Ismail Ayit minoboros do laang dilo kosudong montok kosuulan om koumoligan mogigion pogun diti.

“Potoidan dilo potilombus kaanu mangantobb karaja tulun pointantu miagal orang tanga ih mogihum noh kountungan togumu,” ka disio kumaa Bernama do hiti di baino.

Tadau Kotolu nakatalib, Boyoon Montiri Sabah Datuk Seri Musa Aman minopoilo do potoidan dilo nopo nga laang tosikap naanu montok mangantob nunu nopo kasalaan tawaagat dumarapas piolitan kosuang panangayan.

Porinta pogun nga minomutus nogi mooi konsip kopoindalanan ponuhuan moguung mangan simbanai om mimpuun poimponu kosuang maganu laang tokodou kumaa isai-isai nopoo toi ko bot om kapal di manahub koouran puru kikuasa id Zon Atampasi Kosilahon Sabah (Esszone).

Daamot dilo, songulun tupisor Koupisan Kastam id Kompleks Kastam, Imigresen om Kuarantin (CIQ) Tawau, ih mada poilo ngaran minoboros do pogulu pinataid ilo, sokuro-kuri iso kapal toi ko ‘kumpit’ mantad Polipin maya CIQ Tawau monikid tadau montok momoli kakamot kosukupon monikid tadau id Sabah.

Ka disio, sokuro-kuri duo jongkong mantad Indonesia tumalib do CIQ monikid minggu miampai mogowit kakamot montok kogunoon monikid tadau mogigion id Sabah om momoli kakamot taakanon mantad Tawau montok padagangon id pogun dilo. – BERNAMA

Apa Komen dan Pendapat Anda

Artikel Berkaitan