Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogigion Tanduo pinokianu poporuput korikatan tulun di kororosi

penduduk-tanduo- 18 600x367

LAHAD DATU – Mogigion id posorili kokompungan Tanduo, kosuang id kinoyonon Felda Sahabat pinokianu poporuput osisikap kumaa puru kikuasa sokiro haro toilaan diolo korikatan modidikot songkosuaian aiso kasagaan (PATI) toi ko misosondiri ih kororosi id kinoyonon dilo.

Komander Kinoyonon Kotungoligan Poimbida Tisan Kolisahon Sabah (Esscom) DCP Datuk Abdul Rashid Harun minoboros do kaanu yolo papatahak kointalangan dilo id balai pulis di osomok toi ko rumomut do Bilik Gerakan Esscom ih oukaban 24 jam id talian 089-863181 toi ko faks 089-863182.

“Insaru tokou korongou habar tongus do haro kaka gelombang koduo ponoruangan tulun taraat Sulu. Sundung amu otopot ilo nga amu tokou milo pologoson, potilombus tokou sumodia montok tumoguang nunu nopo kaantakan.

“Id suang ahal diti, ponguhupan toinsanan puru kosuang nogi mogigion id tisan do rahat posorili Tanduo om puru Pulis Bantuan Felda nga kosuul montok monguhup do puru kotungologan maganu laang,” ka disio.

Minoboros isido miagal dilo id pirubaan do Esscom miampai puru Pulis Bantuan Felda id Felda Sahabat 3, hiti di tadau Kotolu.

Nokorikot nogi Boyoon Tupisor Eksekutif Esscom Ruji Ubi om Pongurus Tagayo Felda Nayatan Sabah Timur Sharuddin Amin.

Mokianu nogi ih Abdul Rashid moi puru pulis bantuan id kinoyonon Felda Sahabat sumiliu mato om tolingo porinta do papatahak kointalangan lolobi karait korikatan PATI toi ko penjenayah ih mongoi unali tulun kinoyonon. – BERNAMA

Komen


Berita Berkaitan