Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogigion Sook mokianu iso kompleks sipoot: Ellron

Ellron Angin (gibang) papatahak sitipikit om tutungkap kumaa songulun pongurus tinimungan id pialaan dilo. – foto Kalawon Sawing
Ellron Angin (gibang) papatahak sitipikit om tutungkap kumaa songulun pongurus tinimungan id pialaan dilo. – foto Kalawon Sawing

KENINGAU – Apatut o porinta momoruhang komudahan prasarana sipoot id watas padalaman lolobi kopio kompleks sipoot id Watas Tokoro Sook montok momonu kopokionuan mogiigion labus kakadaian lolobi sukod wagu.

Monguhup Montiri kumaa Boyoon Montiri Datuk Ellron Angin minoboros do komudahan dilo apatut turidongon sabap ginumu mogigin id watas nokomoi nokoingkawas nodii suai ko mamagayat lobi ogumu mogigion mintingubas koposion di olidas maya sipoot.

“Komudahan di haro mantad amu kabagal om iti papasabap ababayan sipoot om rekreasi mogigion lolobi susumikul amu katanud piawaian di apatut montok papanau latihan do sipoot.

Sabap diti, ahal miagal diti apatut onuan pogintangan montok popoingkawas ningkokoton mogisuai-suai kaganaan sipoot id Sabah,” ka disio.

Minoboros isido miagal dilo kumaa maganu habar kalapas minopotimpuun Pialaan Majlis Sukan Sekolah Watas Keningau kali ko-48, id Komplek Sipoot, hiti di konihab.

Ka di Ellron, nokosodia noh tana soginayo 50 hektar montok pamansaian do kompleks sipoot nokomoi. – Dii Kalawon Sawing / SayangSabah

Komen


Berita Berkaitan