Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogigion Sino KDM haro tinggungan tagayo montok kotundaan pogun: Musa

Musa Aman (wanan) tumabi mogigion kinoyonon i nokotindapou id walai poingukab Toun Wagu Sina Sino KDM. – foto JKM
Musa Aman (wanan) tumabi mogigion kinoyonon i nokotindapou id walai poingukab Toun Wagu Sina Sino KDM. – foto JKM

KOTA KINABALU: Mogigion Sino Kadazandusun (KDM) kiharo susuyan tagayo id suang monguhup do porinta, mogindapu om toinsanan kotundaan id Sabah.

Boyoon Montiri Datuk Seri Musa Aman minoboros do gatangon do porinta sumbangan mogigion Sino KDM kumaa kotundaan pogn diti om tumilombus manahak sokodung nunu nopo ababayan di papanahon diolo.

“Porinta Barisan Nasional (BN) tumilombus mingisom do popotindohoi piuludan, pirotian om kotanangan miampai toinsanan tinaru id pogun diti,” ka disio soira minanahak boboroson id walai poingukab Toun Wagu Sina Sino KDM, id walai Porosidin dau Datuk Johnny Goh, id Inanam.

Ka di Musa, sokodung kumaa nunu nopo karamaian di pinaanjur miampai miagal Toun Wagu Sina, Tadau Kaamatan, Hari Raya om Deepavali iso kokitanan do pongisaman porinta pogun id suang papanau kobibasan utama id pogun diti.

Musa Aman (tanga) om Johnny Goh miampai piro-piro momuruan popirolot do `yee sang. – foto JKM
Musa Aman (tanga) om Johnny Goh miampai piro-piro momuruan popirolot do `yee sang. – foto JKM

Sabap dilo, minongunsub isido kumaa mogigion Sino KDM do tumilombus manahak ponguhupan kumaa porinta montok mogintong kopio agampot o kotundaan id Sabah om opurimanan toinsanan mogigion.

Daamot dilo, minoboros ih Johnny, Sabah binuruan di Musa nakaanu minogowit pogun diti id sunduk kotundaan di lansanon do rayat pogun Sabah.

Pogulu dilo, pinoumum di Musa poruntukan soginumu RM100,000 kumaa kotinanan nokomoi om RM200,000 montok monginsonong talun alun Kolom Pison Pomotodon-Sinulihan soninaaru iso kilometer om RM100,000 po kawagu montok monginsonong do SK Pomotodon, Inanam. – SayangSabah

Komen


Berita Berkaitan