Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogigion Pulau Mantanani pikikiro karamit kotundaan

OLUMIS … Kokitanan dit tolumis id iso kinoyonon tisan do rahat Pulau Mantanani ih kaanu mamagayat tutumombului. - foto ALEX MAIRIN / Sayangsabah
OLUMIS … Kokitanan dit tolumis id iso kinoyonon tisan do rahat Pulau Mantanani ih kaanu mamagayat tutumombului. – foto ALEX MAIRIN / Sayangsabah

PULAU MANTANANI (Kota Belud) – Mogigion id pulau diti pikikiro karamit kotundaan soira mogisuai-suai porojik kigatang RM43 riong pinalan papanahon id kinoyonon diti.

Montiri Koinsonongon Kakadaian, Pomuwalaian om Porinta Kinoyonon Datuk Abdul Rahman Dahlan minoboros do wookon nopo kotundaan di pinalan papanahon do porinta nga kosuang nogi porojik Rumah Mampu Milik kigatang RM18 riong.

“Rumah Mampu Milik dilo padagangon RM42,000 songinan, ih ginayo dau kaanu manahak kosolisaan toiso iso paganakan,” ka disio soira minanahak boboroson id ababayan Kimpin Kotungoligan Kinotutudan nayatan Koupisan Bomba om Manampasi Pogun, hiti.

Id ababayan dilo, pinotikid nogi kakamot pomisok do tapui kumaa soginumu 155 tinan do walai mogigion toiso-iso kumaa iso kolinik, surau om sikul tosiriba.

Ka disio, mogigion di kiginawo do momoli walai nokomoi oporlu tumanud syarat di pinatantu kosuang amu padagang kumaa tulun suai id timpu 10 toun.

“Sokiro haro mogigion di amu kamampu, haro nogi pomilian miampai moniwa walai nokomoi miampai kigatang RM120 sombulan mantad Tupis Watas,” ka disio. – Dii NUZIR ANDI SAMSIAR / Sayangsabah

Komen


Berita Berkaitan