Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogigion pokionuon tumanud ababayan kosukarelaan

SSEAYP
KOTA KINABALU: Mogigion unsubon do tumanud id ababayan kosukarelaan sabaagi impohon posindak kororohian manakadai om miuhup id tanga mogigion.

Kumoduo Potunud Koupisan Porkhidmatan Kounalan Am Sabah, Siti Ameh Ruman minoboros do karamaian kouliton toun ko-15 Kotinanan Sukarelawan Sabah (SAVE) om Tadau Sukarelawan Sompomogunan (IVD) 2015 nopo nga impohon montok popokito toluod diolo id suang kaganaan kunalan om ponorinaan mogigion sosial.

“Soginumu RM3 riong sakadai pinatahak do porinta montok monguhup ababayan ngawi di pinapanau do kotinanan kounalan id siriba nuludan Kounsil Porkhidmatan Mogigion Sabah (MPMS) monikid toun,” ka disio.

Minokianu nogi isido mooi IVD ih ponogi karamaian di pinatatap do Bansa-Bansa Bersatu mantad toun 1985 ramaion monikid toun sabap id pogun diti karamaian dilo amu ramaion do pointatap.

Minoboros isido miagal dilo soira minanahak boboroson lumansan di Montiri Kotundaan Mogigion om Ahal Momoguno Datuk Hajah Jainab Datuk Seri Panglima Hj. Ahmad Ayid, id karamaian kouliton toun ko-15 Kotinanan Sukarelawan Sabah om Tadau Sukarelawan Somponogunan 2015 id Peregrine Ballroom, Likas Square Apartment Hotel. – Dii Leolerry Lajius/Sayang Sabah

Komen


Berita Berkaitan