Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogigion poinsodia monguhup mongintutun walai PTI

sinulihan-bambangan

KOTA KINABALU – Mogigion kinoyonon Kampung Sinulihan om Bambangan Inanam mokianu kumaa puru kikuasa mooi maganu laang mongugad tulun songkosuaian ih kikotumbayaan modidikot songkosuaian aiso kasagaan (PATI) id kinoyonon diolo.

Suai ko ilo, mogigion kampong nga poinsodia monguhup mongintutun walai dii iyonon do tulun songkosuaian sokiro karaja momunso PATI papanahon do puru kikuasa.

Boyoon Pulis Watas Asisten Komisioner M.Chandra minoboros do atag dilo wookon dii pinoilo do tulun ginumuan id Ababayan PDRM Miampai Momoguno id tapak Pasar Malam, Inanam do hiti di konihab.

“Suai ko ilo, tulun ginumuan nga mokianu mooi laang onuon kumaa mogigion kinoyonon id posorili Inanam ih oilaan poposiwa kadai diolo kumaa tulun songkosuaian montok tuduan pongindopuan,” ka disio do hiti di konihab.

Tumanud disio, ahal do suai di pinibarasan id ababayan pinaanjur IPD Kota Kinabalu dilo nopo nga kobolihangkangan kasalaan, trafik id talun alun om ahal ngawi do suai.

‘Toinsanan atag om kobolihangkangan di pinosunud tulun ginumuan diti mangan tokou patahako kumaa agensi om koupisan nokomoi montok laang potilombus,” ka disio. – Dii Nuzir Andi Samsiar / Sayangsabah

Komen


Berita Berkaitan