Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Momuruan pinokianu kasasari rumuba rayat nayatan sunsud

musa
KOTA KINABALU: Momuruan mogigion ih ponogi nosiliu mato om tolingo do porinta pinokianu mooi kasasari rumuba tulun kampong om mokinongou nunu nopo kobolihangkangan diolo.

Boyoon Montiri Datuk Seri Panglima Musa Hj. Aman, minoboros do mimang nosiliu iso tonggungan sabaagi momuruan mogigion manahak ponguhupan, porikot om patahak kointalangan kumaa rayat karait dasar ngawi porinta.

“Toiso-iso momuruan mogigion mositi kasasari kumaraja miampai hontolon om rikoton di atalang montok mamagampot rikoton do porin manahak kosimbayanon kumaa rayat,” ka disio.

Minoboros isido miagal dilo soira minanahak boboroson id ababayan pitimungan Boyoon Montiri miampai Momuruan Mogigion Zon Pantai Barat do hiti di baino.

Pinokianu nogi dii Musa toiso-iso momuruan mogigion mooi kasasari miuhup tiso om tiso id saalom papanau karaja.

“Mositi kasasari tokou mogiuhup uhup tiso om tiso mooi omitanan do rayat kowowoyoon tosonong mantad momuruan.

“Sokiro koimbulai kobolihangkangan mositi salasaion id ralan di tosonong sabap aiso kobolihangkangan di amu milo salasaion,” ka disio. – SayangSabah

Komen


Berita Berkaitan