Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogigion maritim id Esszone pinosorou amu monungolig topod-topod do panganas Sulu

esscom27-600x367

KUNAK: Mogigion id tisan do rahat Zon Atampasi Kosilahon Sabah (Esszone) kosuang id Kunak pinosorou moi amu monungolig modidikot songkosuaian aiso kasagaan (PATI) toi ko topod-topod do panganas Sulu.

Komander Kinoyonon Koumoligan Poimbida Tisan Kosilahon Sabah (Esscom) Datuk Abdul Rashid Harun minoboros do sundung potuu kinaantakan id Tanduo nakatalib noh duo toun nakatalib nga karaja momorisi topod panganas Sulu ih poinglisok doti id zon dilo mangan potilombuso.

“Sabap diti, mokianu oku kumaa mogigion poonpus tisan do rahat Esszone lolobi id Kunak, Lahad Datu om Semporna do amu monguhup toi ko monungolig tinimungan nokomoi.

“Tulun kinoyonon toi ko momuruan kinoyonon id Esszone nga apatut nogi poporuput korikatan do PATI toi ko tulun di kororosi id kinoyonon diolo montok papasanang tinimungan kotungoligan papanau pogintangan tosorisid,” ka disio.

Minoboros isido migal dilo soira minanahak boboroson id pirubaan Esscom Miampai Momuruan Mogigion Kunak id Walai Ginumuan, hiti.

Nokotindapou nogi ih Boyoon Tupisor Eksekutif Esscom Ruji Ubi, Potunud Logistik om Tadbirm Urus ESSCom Brig Jen Subari Tomo om Tupisor Watas Kunak Susilo Sumarto.

Di tadau ko-26 tulan Koonom toun nakatalib, onom tulun kosuang songulun tondu kikotumbayaan panganas Sulu tinahan id iso karaja poimbida Pulis Raan Poimbida (SB) Bukit Aman id posorili watas Kunak. – BERNAMA

Komen


Berita Berkaitan