Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogigion Malaysia amu nodii pasagaon tumombului id Israel

no-to-israel-600x367

KUALA LUMPUR: Mogigion Malaysia amu nodii pasagaon do puru Koupisan Imigrisen do mongoi tombului id Israel, sabap kotungoligan lolobi kopio ponompuronok mantad militant oindamaan Islamic States (IS), mimpuun tosisikap.

Tumanud ruputan stesen pomorintahan Singapura, Channel NewsAsia, pogoduhan dilo wononsoi sasabap faktor kotungoligan id nayatan Asia Barat kosuang amu papasaga sumuang hombo nopo id duo nayatan Palestin.

Agensi habar sompomogunan AFP minoboros Kumoduo Montiri Suang Pogun Datuk Dr. Wan Junaidi Tuanku Jaafar ih minomisunud do portal The Malaysia Insider, puru Komontirian Suang Pogun (KDN) amu nodii poposoliwan kasagaan poimbida dilo.

Mongigit paspot sompomogunan ih haro cop imigresen Israel amu pasagaon montok sumuang id Arab Saudi. – Gambar toomod
Mongigit paspot sompomogunan ih haro cop imigresen Israel amu pasagaon montok sumuang id Arab Saudi. – Gambar toomod

Pogoduhan kotombuluian dilo sasabap borita 21 mogigion Mesir kiugama Kristian Kuptik ih pakaraja id Libya tinangayan pogulu kinorot do tinimungan panganas IS id tisan rahat Afrika Utara di kawawagu.

Koporintaan Malaysia mogintong kopio ahal kotungoligan mogigion dau id kinoyonon koligogon sasabap kaganasan IS ih minanahan ginumu tulun songkosuaian pogulu pataion miagal papanau kapal susumangod Jordan om duo rayat Jepun tulan nakatalib.

Montiri Suang Pogun Datuk Seri Dr. Ahmad Zahid Hamidi di mingu nakatalib minopoilo maya ruputan porisikan KDN, kipalan o IS monongoi tulun Malaysia di kaya sokiro oilaan noh yolo id pogun dilo.

Monikid toun, rinibuan mogigion Malaysia tumombului id Gereja Nativiti id Baitullaham montok mongoi intong bagas poningalan sejarah Kristian om Islam. – gambar toomod
Monikid toun, rinibuan mogigion Malaysia tumombului id Gereja Nativiti id Baitullaham montok mongoi intong bagas poningalan sejarah Kristian om Islam. – gambar toomod

Monikid toun, pikikiro lobi 6,000 tulun Malaysia nonuan do kasagaan poimbida mantad Koupisan Imigrisin montok tumombului do Israel pogulu sumuang id Palestin, kogumuan nopo nga panganut Kristian ih mongoi tombului do Gereja Nativiti id Baitullaham.

Noroitan nogi do Bethlehem id suang boros Hebrew, ogumu umat Islam mantad Malaysia tumombului do hilo maya pakej ziarah agensi kotombuluian kinoyonon montok mongoi intong kinoyonon kinosusuon di Nabi Isa AS om bagas poningalan khalifah Uthmaniyah. -Agensi

Komen


Berita Berkaitan