Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogigion Kiulu pikikiro kaanu porkhidmatan internet di lobi osonong

Jailani (tanga) miboros boros di Joniston (duo mantad gibang). – foto Jabatan Penerangan
Jailani (tanga) miboros boros di Joniston (duo mantad gibang). – foto Jabatan Penerangan

KIULU – Mogigion id posorili Kiulu pikikiro kaanu porkhidmatan piromutan om internet di lobi osonong soira apat menara kawawagu oturidong id kinoyonon dilo tulan Koturu diti.
Kumoduo Montiri Piromutan om Multimedia, Datuk Jailani Johari minoboros do apat manara dilo wonsoion tosopung mantad 79 menara montok Sabah miagal di pinoumum id bajet kawawagu.
Mamaso diti, ka disio porinta maya Suruhanjaya Piromutan om Multimedia Malaysia (SKMM) mamaso papanau mogisuai suai pingisaman miagal popoluas liputan selular miampai porojik TIME 2 om TIME 3, Longkod Internet 1Malaysia (PI1M) om Kampung Tanpa Wayar.
“Maya Projik TIME 3, apat kinoyonon pamansaian do manara wagu nointutunan id Kampung Tomis om Kampung Tiong Ratau (maya ralan Pekan Nabalu) om Kampung Sinorut om Kampung Gonisip (maya Ralan Kiulu).
“Toiso-iso manara dilo kigatang RM1 riong,” ka disio id Ababayan Pirubaan miampai Momuruan Rayat Walai Koundangan Pogun (DUN) Kiulu montok kopoindalanan Porojik Poluasan Liputan Selular pinaanjur SKMM id Dewan Kampung Tulong, hiti di kawawagu.
Nokotindapou nogi ih Puru Walai Koundangan Pogun (Adun) Kiulu Datuk Joniston Bangkuai; Boyoon Tupisor Kawalselia Industri SKMM, Toh Swee Hoe; Potunud Wilayah Sabah om Wilayah Persekutuan Labuan SKMM, Juslly Elis om Kumoduo Potunud Koupisan Kointalangan Sabah, Yunus Saprin.
Tumanud di Jailani, Kiulu nga popoiyon nogi 10 Kampung Tanpa Wayar 1Malaysia id Kampung Poturidong, Malangang Zon 1, Malangang Zon 2, Pekan Kiulu, Tamparuli, Sawah, Monggis, Malangan Kiulu, Ramindako Kiulu om Pukak.– SayangSabah

Komen


Berita Berkaitan