Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogigion kinoyonon, tulun songkosuaian ginakom kikotumbayaan main judi ‘wah hui’

wahui 30

KENINGAU – Hopod tulun kusai, apat mogigion kinoyonon om onom tulun songkosuaian tinahan sabap kikotumbayaan kaampai mamain judi ‘wah hui’ id iso kadai id ponugkuan puru raan D7 longkod tupis pulis Kontinjen (IPK) Sabah, do hiti.

Boyoon Pulis Watas Deputi Superitendan Douglas Taong minoboros do toinsanan di natandasan tinahan id iso ponugkuan om tinahan daamot montok ponoriukan id siriba Seksyen 7 (2) Akta Rumah Judi Terbuka (ARJT) 1953.

“Wookon di naahau do pulis id ponugkuan dilo nopo nga mogisuai suai kakamot kikotumbayaan ginuno id karaja minjudi miagal iso buuk ponulisan pandapatan monikid tadau, tolu buuk tokoro kitulis numbur kikotumbayaan pitupaan do wah hui, apat koping om tulis RM RM12,296,” ka disio kumaa maganu habar id Longkod Tupis Pulis Watas Keningau.

Damot dilo id Tambunan, pulis mantad raam Koupisan Ponoriukan Kasalaan Tawagat IPD Keningau minanahan songulun tondu kiumur 44 totun id iso kadai runcit sabap kikotumbayaan nakaampai mamain judi. – Dii Kalawon Sawing / SayangSabah

Komen


Berita Berkaitan