Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogigion KDM apatut mintong-intong, magalai mantad oimbayat do DAP: Ellron

ellron-palu-gong

KENINGAU – Mogigion id pogun diti pinosorou moi amu oimbayat propaganda puru amu kitonggungan lolobi kopio paati susumaap ih papamain ahal tinaru.
Monguhup Montiri id Koupisan Boyoon Montiri Datuk Ellron Angin minoboros do gagama laang do DAP ih piboros-boros do mumbal popoundaliu “pingisaman” diolo montok mamabak piuludan id tanga mogigion id Sabah om Sarawak miampai papamain ahal tinaru.
Ka disio, kalapas minomonsoi kowowoyoon miagal dilo kumaa mogigion id Sememanjung, DAP ih binuruan di Lim Kit Siang mumbal noh daa do mongimbayat mogigion Kadazandusun om Murut (KDM) id Sabah gisom moninda-sinda dilo Batu Sumpah.
“Kowowoyoon do popoimbulai batu sumpah do suai okon nopo ko amu mamantang dilo adat tinaru KDM nga moninda-sinda Batu Sumpah Keningau ih pinoimbulai miampai poimponu pamantangan om kaadat-adaton,” ka disio soira minanahak boboroson id kopongukaban Dewan Datuk Ellron Angin Kampung Biah Tengah, hiti di konihab.
Ellron ih ponogi Puru Koundangan Pogun (ADUN) Sook minoposorou kumaa toinsanan rayat id pogun diti moi amu oimbayat dilo susumaap ih kihontolon do momirulong rayat lolobi kopio KDM montok kosuulan pulitik diolo. – Dii Kalawon Sawing / SayangSabah

Komen


Berita Berkaitan