Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogigion Esszone pinokianu tumilombus monokodung ESSCOM manangod kasalaan

esszone2
PITAS – Mogigion id Zon Atampasi Kosilahon Sabah (ESSCONE) pinokianu mooi tumilombus manahak sokodung do pingisaman puru Kinoyonon Kotungoligan Poimbida Tisan Kosilahon Sabah (Esscom) montok mamagampot rikoton porinta ih manu mintong mogigion id Esszone poimpasi id kowowoyoon osimbayan om osonong.

Boyoon Tupisor Eksekutif Esscom Ruji Ubi minoboros do Esscom pikikiro potilombus pingisaman manangod toinsanan kasalaan dumarapas piolitan id Esszone miampai popoingkawas pogintangan id kowoigan om id tana miampai aset dii haro mantad.

Minoboros isido do Esscom nga maganu laang montok manangod koimbulaion tali barut id kowoigan om daratan ih papasanang karaja monoruang kisindata om tulun taraat dumarapas piolitan.

Minoboros isido miagal dilo id ababayan mongukab puasa pinaanjur Esscom id Masjid Pangiran Haji Abdul Karim, Kampung Kalumpang, somok hiti di tadau Koiso.

Nokorikot nogi ih Potunud Karaja Esscom Brig Jen Datuk Tuan Roslan Tuan Ismail om Kumoduo Potunud Ponoriukan Esscom ACP Hashim Justin.

Sabap dilo, ka disio piuhupan toinsanan puru kosuang mogigion, molohingon kampung, ponorikohon komiti kotundaan om kotungoligan kampung (JKKK) om nogi momuruan kinoyonon kosuul kopio id suang manahak kointalangan moi laang potilombus aanu kumaa tulun taraat. – BERNAMA

Komen


Berita Berkaitan