Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogigion apatut onuan kointalangan tosorisid karait GST

John Ambrose (poingrikau, tanga) miampai sombohogian tutumanud ababayan dilo. - Monica Gidong
John Ambrose (poingrikau, tanga) miampai sombohogian tutumanud ababayan dilo. – Monica Gidong

PENAMPANG – Mogigion poimpuli pogun diti apatut onuan kointalangan tosorisid karait sukai kakamot om porkhidmatan (GST) moi karati iyolo nunu kopio rikoton do porinta.

Ponorikohon Kounsil Kotundaan Koonduan om Paganakan (MPWK) Parlimen Penampang Noraini Idris minoboros do, sasabap dilo mogisuai-suai koupisan om agensi porinta kosuang nogi MPWK tumilommbus manahak kopoilaan maya ababayan Momoguno om GST kumaa tulun ginumuan.

“Ababayan diti kihontolon manahak kointalangan om kopoilaan tosorisid kumaa tulun ginumuan karait GST ih pikikiro poimpuunon tadau ko-1 tulan Kaamat abantalan.

“Suai koi lo, ababayan diti nogi nga momoruhang toilaan om kopurimanan kumaa momoguno ngawi karait hak diolo sabagi momoguno om nogi ahal kinoingkawason gatang kakamot id pogun diti,” ka disio hiti di konihab.

Ababayan nokomoi pinaanjur MPWK Penampang miampai ponguhupan Koupisan Ahal Koonduan Sabah (Jhewa), Koupisan Kastam, Komontirian Pidagangan Suang Pogun, Koperasi om Momoguno (KPDNKK). Tinanud soginumu 150 tulun.

Ababayan dilo pinotimpuun di Boyoon Umno Bohogian Penampang, Datuk John Ambrose. Nakaampai nogi ih Boyoon Pulis Watas Penampang Deputi Superitendan Azmir Abdul Razak, puru komiti Umno Bohogian om Tinimungan Koonduan, Komulakan om Puteri Umno Penampang.

Tumanud di Noraini, ababayan miagal dilo kaanu popoingkawas toilaan tulun ginumuan karait do GST om mongidu pomusarahan amu osonong karait GST. – Dii Monica Gidong / SayangSabah

Komen


Berita Berkaitan