Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mogigion amu mambarai sukai pintu, amu osontob ginawo kumaa MDT

Radin Malleh (tolu mantad wanan) papatahak kad pason Toun Wagu Sina kumaa mogindapu id Kakadaian Tenom -  foto Kalawon Sawing
Radin Malleh (tolu mantad wanan) papatahak kad pason Toun Wagu Sina kumaa mogindapu id Kakadaian Tenom – foto Kalawon Sawing

TENOM –Atag karait polupusan tungggakan baraian sukai pintu mogigion Kampung Bunut id watas diti nakatahak noh kumaa Komontirian Koporintaan Kinoyonon om Pomuwalaian Pogun toun nakatalib.

Montiri Kotundaan Labus Kakadaian Datuk Radin Malleh minoboros do mulong do ingkaa, amu po isido nakaramit sisimbar mantad komontirian nokomoi om potilombus mokianu Kounsil Watas Tenom (MDT) do momonsoi laang sumusuhut karait atag nokomoi.

Tumanud disio, ahal tunggakan baraian sukai pintu dilo nokoimbulai sabap mogigion kampung amu mambarai sukai nokomoi sasabap MDT amu nakaanu posodia porkhidmatan momuhu rinomos om porkhidmatan suai mantad podii nosiliu o kampung dilo iso mantad kinoyonon MDT.

“Alansan oku puru kikuasa kinoyonon watas kaanu posodia porkidmatan momuhu rinomos om porkhidmatan do suai di lobi osonong montok koinsonongon koposion mogigion kampung nokomoi.

“Osorou ku om amu awagat ginwo dilo mogigion kampung do mambarai sukai pintu sokiro puru kikuasa kinoyonon kaanu posodia porkhidmatan di osonong kumaa diolo,” ka disio.

Minoboros isido miagal dilo kumaa maganu habar kalapas minapaharo tombului om panahakan kad pason Toun Wagu Sina kumaa mogindapu id posorili Pekan Tenom, hiti di konihab. – Dii Kalawon Sawing / SayangSabah

Komen


Berita Berkaitan