Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Modosi samanon, 26 papanau minogidu

motorsikal

KOTA KINABALU – Soginumu 26 motorsikal noowit kuminaa Balai Polis soira tinongkiadan papanau padsakaian dilo i minogidu id Ops Samseng Jalanan id kakadaian diti minsusuab konihab.

Boyoon Pulis Watas Asisten Komisioner M.Chandra minoboros do toinsanan motosikal dilo disita om nigitan kuminaa id Balai Polis Trafik Kota Kinabalu montok soriukon id siriba Seksyen 60 Akta Pengangkutan Jalan 1987.

“Sundung do ogumu papanau motorsikal minogidu nga pulis potilombus mogihum sanganu do motosikal dilo pogulu ontokon laang undang-undang sokiro oilaan nakalasala,” ka disio

Operasi di pinapanau id Jalan Pasir poinsomok do Likas Plaza nokotimpuun jam 11.30 totuong tadau Koonom gisom 4 kosuabon tadau Minggu.

Soginumu 23 koping saman Pol257 pinosoliwan kumaa papanau sabap mogisuai suai kasalaan.

Suai koi lo, soginumu 31 motorsikal om 11 kusai pinosirsa id karaja dilo om songulun kusai tinahan id siriba Seksyen 6(1) Akta Imigresen soira amu nakaanu minopokito surat kasagaan pamanahan kumaa puru kikuasa.

Tumanud di Chandra, operasi dilo pinapanau montok monguyas karaja samseng jalanan om pigusaan aiso kasagaan suai ko mogintong do koligaganan talun alun ih kapaampai papanau motosikal id posorili kakadaian.

Soginumu tolu tupisor om 39 puru mantad mogisuai suai raan nakaampai id opoerasi dilo. – Dii Nuzir Andi Samsiar / Sayangsabah

Komen


Berita Berkaitan