Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Modidikot songkosuaian aiso kasagaan tinangkap puru kikuasa

pendatang 9
KOTA KINABALU – Sogimumu 32 tulun modidikot mantad Filipina kosuang tangaanak kikotumbayaan modidikot songkosuaian aiso kasagaan pinorisa id suang karaja miuhup ih pinapanau id posorili Likas om Inanam di kawawagu.

Mantad ginumu dilo, 10 tulun tinangkap om tinahan id Lokap Berpusat soira noilaan aiso surat kasagaan, tumanud Seksyen 6(1)(c) Akta Imigresen 1959.

Daamot dilo, apat kusai tinahan tumanud Seksyen 15 (1)(a) Akta Dadah Berbahaya 1952 soira noilaan positif dadah.

Op Nyah Sabah ih pinotimpuun jam 3 gisom 8.30 kosuabon tadau Minggu tinanud soginumu 142 puru mantad mogisuai suai agensi monguasa kosuang nogi Koupisan Imigrisen, Koupisan Porijistaan Pogun, Sukarelawan Pulis, DBKK, SESB om apat tupisor pulis.

Boyoon Pulis Watas Asisten Komisioner M.Chandra minoboros do puru kikuasa tumilombus papanau karaja miuhup montok manalasai kobolihangkangan modidikot songkosuaian aiso kasagaan om kinoyonon sotinggan id watas diti. – Dii NUZIR ANDI SAMSIAR / Sayangsabah

Komen


Berita Berkaitan