Sayang Sabah Facebook

Likes
Sayang Sabah Twitter

11,808

Followers

Sayang Sabah - Portal Berita Negeri Kita

MKN Sabah minapaatod minuli 26,280 PATI toun diti

10:56pm 08/12/2015 Maryann 0 views Abal Kinoyonon,Berita Pilihan,Kinoyonon,Kota Kinabalu

MKN PATI
KOTA KINABALU: Soginumu 26,280 tulun modidikot songkosuaian aiso kasagaan (PATI) id Sabah pinaatod minuli id pogun nintadon diolo montok timpu tulan Koiso gisom tadau Koonom nakatalib.

Tumanud kointalangan Kounsil Koumoligan Pogun (MKN) Sabah, mantad ginumu dilo, 20,230 nopo nga tulun Filipina, Indonesia (5,830) om pogun do suai soginumu 220.

“Montokk timpu miagal dilo, MKN nga minomorisa 9,751 tulun om mantad ginumu dilo, soginumu 4,981 tinahan montok topison potilombus om 3,794 tinahan daamot,” ka disio id iso kointalangan.

Soginumu 6,353 PATI kakal pointahan id apat Longkod Panahanan Daamot (PTS) poimpuli pogun.

Daamot dilo, MKN nga minanahan nogi 204 PATI id karaja duo tadau posorili Tawau. Mantad ginumu dilo 163 tulun Filipina, Indonesia (38) om Pakistan (tolu).

Toinsanan PATI dilo kiumur iso gisom 60 toun, tinahan id Longkod Panahanan Daamot Tawau tumanud Seksyen 6 (1) (c) om Seksyen 15 (1) (c) Akta Imigresen 1959/63. – BERNAMA

Apa Komen dan Pendapat Anda

Artikel Berkaitan