Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

MKN Sabah minanahan 217 PATI id Operasi 3 tadau

MKN pati1-600x367
KOTA KINABALU – Kounsil Koumoligan Pogun (MKN) Sabah minanahan 217 modidikot songkosuaian aiso kasagaan (PATI) id suang operasi miuhup poompus tolu tadau nakatalib.

Monunurat Koumoligan Pogun MKN Sabah Rodzi Md Saad minoboros do, iyolo nopo ih tinahan nga wookon mantad 496 PATI i pinorisa id operasi dilo id Beaufort om Sipitang.

“Toinsanan do PATI dilo pinaatod kuminaa id Longkod Panahanan Daamot (PTS) Papar,” ka disio kumaa maganu khabar, hiti di konihab. Kointalangan disio pinolombus di Monguhup Monunurat Operasi 2 DSP Annuar Ali.

Minoboros ih Rodzi do operasi dilo papaampai soginumu 95 tupisor mantad MKN Sabah, Polis DiRaja Malaysia, Koupisan Imigrisin, Koupisan Porijistaan Pogun Sabah om Koupisan Pertahanan Awam Sabah, pinapanau id kinoyonon sotinggan.

Asil mantad operasi dilo, noilaan do puru dau haro touki mamagaji kukumaraja songkosuaian ih aiso dokumen om aiso surat kasagaan.

Daamot dilo, ka disio, soginumu 4,014 tulun tinahan id apat PTS pogun diti, ilo nopo nga 3,137 tulun Filipina, Indonesia (787) om suai-suai (90).

Suai ko ilo, soginumu 1,302 tulun songkosuaian nugadan om pinouli kuminaa id pomogunan diolo mantad tadau ko-1 tulan Koiso nakatalib. Ilo nopo nga 1,025 mantad Polipin om 277 tulun Indonesia. – BERNAMA

Komen


Berita Berkaitan